Fréttir

OPNIR DAGAR 2012

Tue, 21 Feb 2012 19:36:00 +0000

Opnir dagar hefjast á þriðjudaginn 28. feb og standa út vikuna og lýkur með glæsilegri árshátíð Nemendafélagsins á föstudagskvöldið.

Náttúrusaga Skagafjarðar

Tue, 21 Feb 2012 12:30:00 +0000

Þriðjudaginn 28. febrúar verður farið í ferð um Skagafjörð. Farið verður frá bóknámshúsi FNV með rútu kl. 09:00 um Hegranes til Hóla með tilheyrandi stoppum á leiðinni. Á Hólum verður staðurinn skoðaður og snæddur hádegisverður.

Miðannarfrí 23.-26. febrúar

Mon, 20 Feb 2012 08:51:00 +0000

Fimmtudaginn 23. febrúar og föstudaginn 24. febrúar fellur kennsla niður vegna miðannarfrís. Kennsla hefst skv. stundaskrá mánudaginn 27. febrúar og opnir dagar hefjast þriðjudaginn 28. febrúar.

María og Margrét sigruðu!

Mon, 20 Feb 2012 08:42:00 +0000

Söngkeppni FNV var haldin með miklum glæsibrag síðastliðið föstudagskvöld.
Keppnin var geysihörð og báru María Ósk Steingrímsdóttir og Margrét Petra Ragnarsdóttir sigur úr bítum með Dance with Somebody. Þær munu keppa fyrir hönd skólans í Söngkeppni Framhaldsskólanna í apríl.

Mikill áhugi á námi í FabLab við FNV

Mon, 20 Feb 2012 08:32:00 +0000

Mikill áhugi er á námi í FabLab stofu skólans þessa dagana og stunda nú 60 manns nám í áfanganum FAB 103, en þar er um að ræða nemendur í dagskóla, kvöldskóla og helgarnámi. FabLab stofan (stafræn smiðja) er samstarfsverkefni FNV, Nýsköpunarmiðstöðvar Íslands og Sveitarfélagsins Skagafjarðar. Starfsem Fab Lab stofunnar gengur út á að gefa þeim sem þangað koma tækifæri til að gera hugmynd að veruleika og óhætt er að segja að fjölbreytni hugmyndanna sem þar verða að veruleika eigi sér lítil takmörk.

Kynning á iðnnámi fyrir grunskólanema utan Sauðárkróks

Sun, 19 Feb 2012 17:20:00 +0000

Helgina 18-19. febrúar sóttur 41 grunnskólanemi frá Skagaströnd, Blönduósi, Húnavöllum og Varmahlíð námskeið í IKG 102 eða Iðnkynningu fyrir grunnskóla í Hátæknimenntasetri skólans undir leiðsögn kennara í verknámsdeildum skólans. Nemendurnir fara á milli allra verknámsdeilda skólans og smíða hluti sem þeir taka með sér heim. Þetta framtak er liður í að kynna iðnnám fyrir grunnskólanemum og þá möguleika sem það býður upp á varðandi náms- og starfsval, en nemendur á Sauðárkróki hafa átt kost á slíkri kynningu frá árinu 2000.

Söngkeppni FNV 2012

Wed, 15 Feb 2012 15:18:00 +0000

Föstudaginn 17. febrúar verður haldin söngkeppni FNV þar sem keppt verður um þátttökurétt í Söngkeppni framhaldsskólanna 2012. Dagskrá hefst kl 20:00 á Sal bóknámshúss.
Dómarar eru Geirmundur Valtýsson, Guðbrandur Ægir Ásbjörnsson og Helga Rós Indriðadóttir en allur tónlistarflutningur er í umsjón nemenda skólans.
Aðgangseyrir: 800 kr. fyrir meðlimi NFNV og yngri en 1500 kr. fyrir aðra

Sveitarstjórn Húnaþings vestra fagnar því að fyrirhugað er að hefja kennslu á framhaldsskólastigi með dreifnámssniði frá FNV í sveitarfélaginu á komandi hausti. Undirbúningur fyrir dreifnámið er komið á fullt skrið en verið er undirbúa skipun ungmennaráðs

Wed, 15 Feb 2012 10:12:00 +0000

Góðar gjafir frá Össuri

Mon, 13 Feb 2012 14:29:00 +0000

Þegar hátæknimenntasetrið í FNV var opnað í haust komu margir góðir gestir í heimsókn og þar á meðal Þórður Elefsen, yfirmaður CNC verkstæðis Össurar HF, ásamt nokkrum af sínum starfsmönnum.
Eftir þessi góðu kynni og heimsókn á CNC verkstæði Össurar hefur Þórður Elefsen staðið fyrir stórgjöfum til Fjölbrautaskóla Norðurlands vestra.

Nýsveinahátíð Iðnaðarmannafélagsins í Reykjavík

Mon, 06 Feb 2012 10:29:00 +0000

Iðnaðarmannafélagið í Reykjavík hélt sjöttu verðlaunahátíð sína til heiðurs 23 nýsveinum sem luku burtfararprófi í iðngreinum með afburðaárangri 2011. Hátíðin var í Tjarnarsal Ráðhússins í Reykjavík laugardaginn 4. febrúar. Að þessu sinni fékk einn nemandi frá FNV Smári Hallmar Ragnarsson viðurkenningu fyrir afburðaárangur á sveinsprófi í vélvirkjun, en iðnmeistari hans er Hjörtur Elefsen.

Mið-Ísland á Sal Bóknámshúss FNV í kvöld

Wed, 01 Feb 2012 13:23:00 +0000

„Ef hláturinn lengir lífið stefnir Mið-Ísland að ódauðleika!“, segir slagorð Mið-Íslands en uppistandshópurinn hefur notið mikilla vinsælda undanfarið og hafa m.a. verið með uppistandskvöld í Þjóðleikhúskjallaranum og Þjóðleikhúsinu. Nú er röðin komin að Sauðárkróki en hópurinn verður með uppistand í kvöld, miðvikudaginn 1. febrúar, í sal Fjölbrautarskóla Norðurlands vestra.

Kynningarfundur um dreifnám á Húnaþingi vestra

Wed, 01 Feb 2012 13:19:00 +0000

Kynningarfundur um væntanlegt dreifnám, sem kemur til með að standa íbúum Húnaþings vestra til boða, fer fram í Félagsheimilinu Hvammstanga á morgun, fimmtudaginn 2. febrúar kl. 18.Samkvæmt auglýsingu sem birt var í nýjasta eintaki Sjónaukans munu fulltrúar frá Fjölbrautaskóla Norðurlands vestra kynna hvað er framundan og svara fyrirspurnum, ásamt fulltrúum sveitastjórnar Húnaþings vestra. Fundurinn er opin öllum íbúum Húnaþings vestra.

Dagur helgaður Heilsueflandi framhaldsskóla

Mon, 30 Jan 2012 16:48:00 +0000

Mikið var um að vera í FNV í mánudaginn 30. Janúar, en þá var stundaskráin lögð til hliðar og tekin upp fjölbreytt dagskrá í tilefni af því að skólinn tekur nú formlega þátt í verkefninu Heilsueflandi framhaldsskóli. Sjá nánari lýsingu á: http://www2.lydheilsustod.is/heilsueflandiframhaldsskolar. Verkefnið skiptist í fjóra þætti þ.e. næringu, hreyfingu, geðrækt og lífsstíl. Hverju þema er helgað eitt ár og byrjað er á næringu.

Heilsueflandi dagur í FNV

Thu, 26 Jan 2012 13:23:00 +0000

Mánudaginn 30. janúar verður hefðbundin stundatafla aflögð og boðið upp á dagskrá undir merkjum Heilsueflandi skóla sem hefst kl. 08:30. Af því tilefni verður fjölbreytt dagskrá þar sem boðið verður upp á fyrirlestra og vinnustofur sbr. meðfylgjandi dagskrá.

Heimsókn mennta- og menningarmálaráðherra

Tue, 17 Jan 2012 15:09:00 +0000

Laugardaginn 14. janúar lagði mennta- og menningarmálaráðherra, Katrín Jakobsdóttir, lykkju á leið sína á Vínartónleika Karlakórsins Heimis og heimsótti Kvikmyndafjélagið Skottu og Hátæknimenntasetur FNV.

Skagfirskir nemendur FNV fá húsaleigubætur

Fri, 13 Jan 2012 16:19:00 +0000

Á fundi byggðaráðs Skagafjarðar í gær var lögð fram tillaga um að þeim nemendum sem eru með lögheimili í Sveitarfélaginu Skagafirði, stunda nám við Fjölbrautaskóla Norðurlands vestra og búa á heimavist skólans verði greiddar húsaleigubætur samkvæmt sömu reglum og öðrum framhaldsskólanemendum úr sveitarfélaginu er greitt eftir. Er þetta gert þrátt fyrir að enn sé beðið niðurstöðu um þátttöku Jöfnunarsjóðs sveitarfélaga. Gildir ákvörðun þessi fyrir tímabilið janúar-maí 2012. (Feykir)

Síðustu forvöð að skrá sig í fjarnám

Thu, 05 Jan 2012 15:20:00 +0000

Innritun í fjarnám við Fjölbrautaskóla Norðurlands vestra vorönn 2012 lýkur föstudaginn 6. janúar.

Upphaf skólahalds á vorönn 2012

Tue, 27 Dec 2011 13:50:00 +0000

Stundatöflur vorannar verða afhentar í Bóknámshúsi skólans miðvikudaginn 4. janúar kl. 08:00-09:30 og kennsla hefst skv. stundaskrá kl. 09:45. Töflubreytingar fara fram miðvikudaginn 4. janúar kl. 09:45-18:00 og fimmtudaginn 5. janúar kl. 08:00-18:00.

Nýjar námsmatsreglur

Thu, 22 Dec 2011 15:34:00 +0000

Vakin er athygli á nýjum námsmatsreglum sem taka gildi við upphaf vorannar 2012. Um er að ræða talsverðar breytingar á núverandi reglum þar sem m.a. er gert ráð fyrir símati á fyrri hluta annar og breytilegu vægi á fyrri og seinni hluta annarinnar auk þess sem ekki er gert ráð fyrir heilu prófi í lok áfanga. Sjá nánar hér á eftir:

Innritun í fjarnám

Wed, 21 Dec 2011 14:43:00 +0000

Innritun í fjarnám á vorönn 2012 stendur yfir. Skráning fer fram í gegnum heimasíðu skólans www.fnv.is. Nú gefst grunnskólanemum færi á að skrá sig í einingabært fjarnám, en það hefur ekki verið hægt um nokkurt skeið. Nánari upplýsingar fást á skrifstofu skólans og í síma 455-8000.

Jóla og nýárskveðja

Wed, 21 Dec 2011 13:38:00 +0000

Starfsfólk Fjölbrautaskóla Norðurlands vestra óskar nemendum skólans og fjölskyldum þeirra gleðilegra jóla og farsældar á nýju ári, með kærri þökk fyrir samskiptin á árinu sem er að líða.

Nýjar skólasóknarreglur

Mon, 19 Dec 2011 12:54:00 +0000

Nýjar skólasóknarreglur hafa verið teknar upp við FNV. Meðal breytinga má nefna að nemendum geftst nú kostur á að vinna sér inn eina einingu á önn fyrir góða skólasókn. Þá þurfa nemendur og/eða forráðamenn að tilkynna veikindi að morgni hvers veikindadags. Nánari upplýsingar er að finna hér á eftir:

Viðurkenning fyrir gott aðgengi hreyfihamlaðra

Thu, 08 Dec 2011 09:44:00 +0000

Síðastliðinn þriðjudag afhenti Sjálfsbjörg í Skagafirði, af tilefni Alþjóðadegi fatlaðra sem haldinn var 3. desember, fyrirtækjum og stofnunum viðurkenningar fyrir að gera aðgengi fyrir hreyfihamlað fólk sem best.

Þau fyrirtæki og stofnanir sem hlutu viðurkenningu í þetta sinn voru: Pósthúsið, Kjarninn, leikskóli Ársala, FNV, Ráðhússið, Skagfirðingabúð, Verslunin Eyri, Heilbrigðisstofnunin og Endurhæfingardeild.

Nemendur í FNV sigra í stuttmyndasamkeppni

Wed, 07 Dec 2011 09:38:00 +0000

Nemendur í kvikmyndagerð við FNV gerðu það gott á „Stullanum“, stuttmyndasamkeppni sem fram fór á Akureyri um helgina. Þeir gerður sér lítið fyrir og áttu myndir í fyrsta og öðru sæti. Í fyrsta sæti var myndin „Sleepy Horror“ eftir þá Kolbein Guðmundsson, Martein Pálsson og Aðalheiði Sigurdórsdóttur. Hún byggir á handriti eftir Kolla og hann leikstýrði henni einnig. Guðbandur J. (Guðbrandur Guðbrandsson) á stórleik í einleiknum. Sjá má myndina á: http://vimeo.com/33079363.

Prófsýning og birting einkunna

Tue, 06 Dec 2011 10:57:00 +0000

Prófsýning fer fram þriðjudaginn 20. desember kl. 09:00-10:00. Opnað verður fyrir einkunnir í Innu að morgni sama dags.