Iðnaðarmannafélagið í Reykjavík hélt sjöttu verðlaunahátíð sína til heiðurs 23 nýsveinum sem luku burtfararprófi í iðngreinum með afburðaárangri 2011. Hátíðin var í Tjarnarsal Ráðhússins í Reykjavík laugardaginn 4. febrúar. Að þessu sinni fékk einn nemandi frá FNV Smári Hallmar Ragnarsson viðurkenningu fyrir afburðaárangur á sveinsprófi í vélvirkjun, en iðnmeistari hans er Hjörtur Elefsen. Hann fékk jafnframt viðurkenningu frá Háskólanum í Reykjavík fyrir árangurinn og var ar einn af þremur nýsveinum sem fengu slíka viðurkenningu.  Þess má  geta að fyrrum nemandi við FNV, Ólína Björk Hjartardóttir, fékk viðurkenningu fyrir framúrskarandi árangur í snyrtifræði, en hún stundaði það nám við Fjölbrautaskólann í Breiðholti.