FRUM2FI05 - Frumkvöðlafræði, stofnun fyrirtækis

Fyrirtækjasmiðja, inngangur

Einingafjöldi: 5
Þrep: 2
Kennt er hvernig á að standa að stofnun fyrirtækis. Lögð er sérstök áhersla á að nemendur, upp á eigin spýtur, skipuleggi fyrirtæki, hanni vöru eða þjónustu og skipuleggi sölu á henni. Nemendur fá jafnframt að kynnast uppbyggingu og skipulagi fyrirtækja og stofnana og hvernig þau ná best markmiðum sínum. Meðal annars er farið yfir markmiðssetningu og vinnu- og framleiðsluferli.

Þekkingarviðmið

Nemandi skal hafa öðlast þekkingu og skilning á:
  • markaðssetningu
  • framleiðsluferli
  • starfsmannamálum
  • stjórnun fyrirtækis
  • rekstri fyrirtækis
  • fjármálum fyrirtækis
  • einföldum efnahagsreikningi
  • einföldum rekstrarreikningi
  • einföldum arðsemisútreikningum
  • helstu rekstrarformum fyrirtækja

Leikniviðmið

Nemandi skal hafa öðlast leikni í að:
  • útbúa vöru út frá vöruhugmynd
  • gera markaðsáætlun - auglýsinga- og kynningaráætlun
  • gera markaðskönnun
  • stofna fyrirtæki
  • reka fyrirtæki
  • vinna saman í hóp
  • vinna innan tímaramma
  • gera einfalda viðskiptaáætlun

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:
  • stofna fyrirtæki eftir skóla
  • undirbúa og framkvæma krefjandi verkefni
Nánari upplýsingar á námskrá.is