Nord Plus ferð starfsbrautar til Eistlands

Nord Plus ferð starfsbrautar til Eistlands

Vikuna 29. september til 4. október fóru tveir starfsmenn FNV ásamt þremur nemendum í ferðalag til Eistlands, nánar tiltekið til Haapsalu. Markmið ferðarinnar var að taka þátt í Nord Plus junior verkefni sem er framhald af verkefni sem hófst í fyrra. Að þessu sinni var verkefnið um tækni í skólastarfi hjá nemendum með sérþarfir.
Þrjú lönd taka þátt í verkefninu, Eistland, Finnland og Ísland. Í febrúar n.k. verður farið aftur í ferð og þá til Finnlands. Við tökum svo á móti nemendum og kennurum frá erlendu skólunum í apríl n.k.
Hópurinn var mjög ánægður með ferðina og hlökkum við til áframhaldandi samstarfs.