2.7 Sjálfsmat skólans

2.7.1 Samkvæmt framhaldsskólalögum, reglugerðum og námskrá eiga framhaldsskólar að vinna skipulega að mati á skólastarfi. Jafnframt er þeim gert að setja fram áætlun um hvernig þessu mati skuli háttað. Það má ljóst vera að tilgangur með þessu mati er fyrst og fremst sá að greina styrkleika og veikleika hvers skóla um sig svo hægt verði að þróa og bæta skólastarfið á markvissan hátt. Nauðsynlegt er að þessi sjálfsskoðun fari reglulega fram og að hún nái til allra þátta skólastarfsins. Til þess að svo megi verða er þörf á nothæfu tæki eða kerfi sem nær utan um þessa þætti. Fjölbrautaskóli Norðurlands vestra hefur tekið í notkun Framhalds-Skólarýni (1999) sem saminn er af Benedikt Sigurðarsyni við Rannsóknarstofnun Háskólans á Akureyri. Framhalds-Skólarýnir metur forsendur, framkvæmd og árangur skólastarfs. Sjálfsmatshópur, sem í eiga sæti tveir kennarar, skólameistari, aðstoðarskólameistar og áfangastjóri og vinnur að þessu verkefni. Þá leggur sjálfsmatshópur fyrir:
1. kannanir á viðhorfum nýnema,
2. kannanir á viðhorfum allra nemenda,
3. kannanir á viðhorfum starfsfólks,
4. kannanir á viðhorfum nemenda í einstökum námsáföngum.
Unnið verður skv. neðangreindri áætlun:

2.7.1.1 Vorönn 2005
Unnið skv. áætlun með C-hluta Framhalds-Skólarýnis: Árangur.
1. Lagðar fyrir spurningar um árangur s.s. félagslega hæfni, sjálfsmynd og annan árangur nemenda.
2. Unnið að gagnaöflun.
3. Undirbúningsvinna fyrir haustönn 2005.
4. Niðurstöður kynntar fyrir skólanefnd og starfsfólki.
5. Unnið að mati á einstökum þáttum skólastarfs utan Framhalds-Skólarýni eins og tilefni gefst til.

2.7.1.2 Haustönn 2005
1. Matshópur vinnur að gagnaöflun
2. Unnið að heildarskýrslu fyrir alla hluta Framhalds-Skólarýnis.
3. Lokaskýrsla fyrir sjálfsmat 2003-2005 kynnt skólanefnd og starfsfólki.
4. Stjórnendur vinna umbótaáætlun á grundvelli sjálfsmatsskýrslu.
5. Unnið að mati á einstökum þáttum skólastarfs utan Framhalds-Skólarýnis eins og tilefni gefst til.

2.7.1.3 Vorönn 2006
Unnið skv. áætlun með B-hluta Framhalds-Skólarýnis: Framkvæmd
1. Gögnum safnað um viðhorf nemenda til skólastarfs.
2. Starfsmannaviðtöl.
3. Niðurstöður túlkaðar og metnar með tilliti til umbótaáætlunar.
4. Sjálfsmatshópur vinnur að undirbúningi vals á matsatriðum fyrir haustönn 2006.
5. Niðurstöður kynntar fyrir skólanefnd og starfsfólki..
6. Unnið að mati á einstökum þáttum skólastarfs utan Framhalds-Skólarýnis eins og tilefni gefst til.

2.7.1.4 Haustönn 2006
1. Spurningar úr Framhalds-Skólarýni lagðar fyrir um framkvæmd skólastarfs.
2. Matsnefnd vinnur að undirbúningi fyrir vorönn 2004 þar sem unnið verður með forsendur sbr. kafla A í Framhalds-Skólarýni
3. Unnið að gerð áfangaskýrslu um kafla B.
4. Sjálfsmatshópur vinnur að undirbúningi vals á matsatriðum fyrir vorönn 2007.
5. Niðurstöður kynntar fyrir skólanefnd og starfsfólki.
6. Unnið að mati á einstökum þáttum skólastarfs utan Framhalds-Skólarýni eins og tilefni gefst til.

2.7.1.5 Vorönn 2007
Unnið skv. áætlun með A-hluta Framhalds-Skólarýnis: Forsendur.
1. Gögnum safnað um yfirstjórn og stefnumörkun.
2. Starfsmannaviðtöl.
3. Úrvinnsla og framsetning niðurstaðna frá haustönn 2006.
4. Mat á gagnsemi Framhalds-Skólarýnis.
5. Niðurstöður kynntar fyrir skólanefnd og starfsfólki.
6. Undirbúningur fyrir kannanir á haustönn 2007.
7. Unnið að mati á einstökum þáttum skólastarfs utan Framhalds-Skólarýnis eins og tilefni gefst til.

2.7.1.6 Haustönn 2007
1. Spurningar lagðar fyrir starfsmenn um yfirstjórn og stefnumörkun.
2. Gerð áfangaskýrslu um verkefna A-hluta Framhalds-Skólarýnis.
3. Skýrslan kynnt fyrir skólanefnd og starfsmönnum.
4. Undirbúningur að framkvæmd mats skv. C-hluta., árangur, á vorönn 2008.
5. Niðurstöður kynntar fyrir skólanefnd og starfsfólki.
6. Unnið að mati á einstökum þáttum skólastarfs utan Framhalds-Skólarýnis eins og tilefni gefst til.
Þessi sjálfamatsáætlun mun verða endurskoðuð árlega. Auk ofangreinds mun matshópurinn rýna í niðurstöður prófa. Skólanámskrá verður í sífelldri endurskoðun og endurbætt á grundvelli niðurstaðna sjálfsmatshópsins. Framkvæmd sjálfsmatsins er á ábyrgð skólameistara.

2.7.2 Reglur um fyrirlögn miðlægrar viðhorfskönnunar í FNV vorið 2003
1. Leggja skal viðhorfskönnun fyrir nemendur skólans á hverri önn sem tekur til allt að til fjórðungs áfanga sem kenndir eru á þeirri önn sem um ræðir.
2. Leitast skal við að gæta jafnræðis milli verknáms og bóknáms í fyrirlögn áfanga.
3. Gert er ráð fyrir að nemendur svari á rafrænan hátt í tölvuveri/bókasafni fyrirspurnum í forritinu “Kanni" sem Benedikt Sigurðarson hefur sett saman.
4. Ekki er gert ráð fyrir að kennarar leggi sjálfir fyrir kannanir án samráðs við sjálfsmatsnefnd skólans.
5. Þegar áfangi hefur verið valinn er gert ráð fyrir að sjálfsmatsnefnd fái upplýsingar frá kennara um kennslugögn áfangans og aðrar almennar upplýsingar sem tengjast námi og kennslu.
6. Skólameistari og aðstoðarskólameistari og sjálfsmatsnefnd hafa aðgang að niðurstöðum áfangakönnunar og birta þær einungis viðkomandi kennara. Heimilt er þó að veita skólanefnd þessar upplýsingar í trúnaði. Niðurstöður úr áfangakönnunum eru geymdar í allt að þrjú ár. Um réttindi starfsmanna vísast til laga nr. 77 frá árinu 2000.