Tölvureglur FNV

• Láttu ekki undir nokkrum kringumstæðum aðra fá notandanafn og lykilorð þitt. Gleymdu því ekki að þú ert ábyrgur fyrir bæði notendanafni og netfangi sem þér var afhent og öllu sem unnið er á þínu svæði.
• Þeir nemendur sem týna eða gleyma lykilorðinu sínu þurfa að greiða kr. 500 til að fá úthlutað lykilorðinu að nýju.
• Allir nemendur geta flett upp stundatöflu á sameiginlegu skólakerfi framhaldsskólanna (Innu). Til þess þarf að slá inn skólanúmer og lykilorð .
• Heimasvæði þitt á móðurtölvunni er H-drif. Enginn hefur aðgang að svæðin þínu nema þú og umsjónarmaður tölvunetsins. Hver notandi hefur 10 Mb til afnota. Ef þú vilt stækka svæðið þitt getur þú keypt viðbótardiskrými á skrifstofu.
• Sett hefur verið upp öflug vél sem sameinar prentun, ljósritun og skönnun. Nánari upplýsingar um prentun og uppsetningu prentara, er að finna á heimasíðu skólans undir liðnum Prentun.
• Auk aðgangs að staðarneti hefur þú aðgang að Internetinu. Allir mega „gramsa“ að vild en innan velsæmismarka og á þeim tíma sem leyfilegur er.
• Allir nemendur hafa aðgang að vefpósti á Internetinu. Nánari upplýsingar eru á heimasíðu skólans undir vefpóstur.
• Munið að ganga ávallt vel um tölvuverið. Mat og drykki má ekki hafa meðferðis. Skráið ykkur út úr ("log of")  tölvunum að vinnu lokinni og gangið frá á borðinu.
• Á stofutöflum kemur fram hvenær verið er að kenna í stofunum. Þú hefur aðgang að tölvustofum þegar ekki er verið að kenna í stofunum.  
• Brot á umgengnisreglum getur leitt til þess að aðgangur að staðarneti skólans verði tímabundið eða alveg lokað. Litið er á tilraun til að brjótast inn á netkerfi skólans eins og hvert annað innbrot og getur leitt til brottvísunar úr skóla.