Stöðupróf í tungumálum

Fjölbrautaskóli Norðurlands vestra býður upp á stöðupróf í dönsku, ensku, spænsku og þýsku. Stöðupróf er fyrir innritaða nemendur skólans og er það haldið í byrjun hverrar annar.

Rétt til stöðuprófs hafa þeir sem dvalist hafa um lengri eða skemmri tíma erlendis og hafa góðan grunn í viðkomandi tungumáli líkt og um móðurmál væri að ræða. Metnir verða áfangar á fyrstu tveimur þrepum framhaldsskólans.

Hafi nemandi staðist stöðupróf er áfanginn skráður í INNU með einkunnina M eigi síðar en tveimur vikum eftir prófdag.

Stöðupróf eru í boði í upphafi hverrar annar og eru auglýst á heimasíðu skólans.

Gjald fyrir hvert stöðupróf er kr. 12.000.

12.03.2021

Ingileif Oddsdóttir, skólameistari