NÝSK1MY05_2 - Myndlist 1

Í áfanganum verður lögð áhersla á teikningar unnar með viðarkolum og blýanti. Einnig á endurnýtingu efnis í listum, teikningalestur og fallmyndun í grunnteikningu. Nemandinn þjálfi sig í að skoða, greina og meta fyrirmyndir sínar á kerfisbundinn og rökrænan hátt. Þjálfist í að nota hjálpargögn, svo sem neikvæð form, lóðlínu og hjálparlínur, til að bera saman stærðarhlutföll. Alhliða þjálfun í teikningu og rannsókn á gildi og tjáningarmöguleikum línuteikningar. Nemandinn þjálfist í að meta hluti frá formi, lit og áferð og geti með því endurnýtt ólík og ótengd efni í listaverk. Áhersla lögð á að nemendur þjálfist í að leggja mat á vinnu sína og annarra. Nemendur eru hvattir til að þróa hugmyndir sínar og samhliða vinnu í tíma er ætlast til þess að þeir haldi skissubók þar sem þeir vinna og þróa hugmyndir sínar frá því sem gert er í tímum.