Meistaranám iðngreina

Hlutverk iðnmeistara
Iðnmeistarar starfa við fjölbreytt verkefni sem ráðast af starfsemi fyrirtækis, stærð þess og stöðu meistara innan fyrirtækisins. Hlutverk og aðstæður geta því verið mjög ólík.

Breytt umhverfi og nýjar kröfur
Störf og tækniþróun breytast hratt og krefjast nýsköpunar, tæknikunnáttu og áherslu á öryggi, umhverfi og sjálfbærni. Iðnmeistarar þurfa að geta aðlagast þessum breytingum og haft góða yfirsýn yfir rekstur.

Áætlanagerð og ábyrgð
Iðnmeistarar koma að áætlanagerð, svo sem varðandi fjárfestingar, mannafla, öryggis- og umhverfismál, rekstur, þjónustu og gæði. Hvort sem þeir annast stjórnun sjálfir eða fela öðrum verkefni bera þeir endanlega ábyrgð á rekstri.

Verkefnastýring
Meistarar áætla umfang og tímasetningar verka, greina þau niður í verkþætti og meta efnis- og mannaflaþörf. Þeir skilgreina gæðakröfur og bera ábyrgð á að verklok, gæði og kostnaður séu í samræmi við áætlanir. Þeir sjá einnig til þess að aðbúnaður og öryggi á vinnustað uppfylli lög og staðla.

Umhverfi, sjálfbærni og viðskiptasiðferði
Iðnmeistarar móta umhverfisstefnu fyrirtækis og stuðla að sjálfbærum rekstri. Þeir bera ábyrgð gagnvart viðskiptavinum, gæðaþróun og góðum samskiptum. Allir starfsmenn þurfa að þekkja áherslur fyrirtækisins í viðskiptasiðferði.

Kennsla og þjálfun
Iðnmeistarar bera ábyrgð á vinnustaðanámi iðnnema og tryggja að þjálfun fylgi lögum og námskrá. Þeir kenna vinnubrögð, meðferð efna, tækja og hugbúnaðar og fylgjast með framvindu náms. Meistarar meta einnig þjálfunarþörf starfsmanna og leiðbeina nýliðum.

Forkröfur meistaranáms

Sveinspróf í viðkomandi grein.

Skipulag

Meistaraskólinn er kenndur í staðnámi og í gegnum Teams að loknum venjulegum vinnudegi.

Námsmat

Lögð er áhersla á leiðsagnarmat og símat sem gefur nemendum uppbyggilega og hvetjandi leiðsögn og metur vinnuframlag þeirra jafnt og þétt yfir námstímann. Námsmat er fjölbreytt og aðferðir taka mið af fjölbreyttum kennsluháttum, námsmarkmiðum og hæfni nemenda. Námsmat á brautinni er fólgið í símati og lokaprófi eða eingöngu símati. Nánari tilhögun námsmats s.s. skiladagar verkefna og vægi kemur fram í námsmatsreglum skólans.

Reglur um námsframvindu

Til að standast námsmat í áfanga þarf lágmarkseinkunnina 5. Reglur um námsframvindu eru birtar í skólanámskrá.

Hæfniviðmið

• stofna og reka fyrirtæki í íslensku atvinnulífi í samræmi við lög og reglur.
• nýta fjölþjóðasamstarf og fjölþjóðlega viðskiptasamninga í rekstri í samræmi við þær reglur sem gilda á EES svæðinu.
• sjá um starfsmannahald, skipuleggja framleiðslu og framkvæmdir.
• Sjá um að jafnréttisáætlun sé virk og geta metið árangur hennar.
• tileinka sér og nýta þær rannsóknir og nýjungar sem tilheyra rekstri í greininni.
• beita útreikningum og sölufræðum við innkaup á vörum til rekstursins.
• færa bókhald, greina það og nýta upplýsingar úr því á gagnlegan hátt.
• vinna með þau gæðaviðmið sem lögboðin eru í greininni.
• vinna að vöruþróun og þróun á þjónustu í síbreytilegu rekstrarumhverfi.
• gera sér grein fyrir samfélagslegri ábyrgð sinni í rekstri.
• fylgja eftir markaðáætlun fyrirtækja, mæla árangur, meta stöðu og setja ný markmið.
• sjá um að stefna um viðskiptasiðferði sé virk og geta metið árangur hennar.
• skipuleggja þjálfun starfsfólks í sinni iðngrein. Annast skiplagningu náms og þjálfun nemenda í greininni eftir þeim lögum og reglugerðum sem gilda og þeim námskröfum sem gerðar eru hverju sinni.
• meta námsþarfir nemenda og starfsfólks og velja réttar og viðeigandi aðferðir við leiðsögn. Geti gert heilstæða námsáætlun fyrir nemanda með tilliti til vinnustaðanáms/starfsþjálfunar og samkvæmt þeim viðmiðum sem koma fram í Aðalnámskrá.
• skipuleggja og halda utan um fjármál fyrirtækis.
• túlka og greina ársskýrslur og meta stöðu fyrirtækja út frá þeim.
• reikna tilboð, gera samninga, gera tilboðs- og sölugreiningar ásamt framleiðslu-, sölu- og markaðsáætlanir.
• gera markaðsgreiningu og kynningaáætlun ásamt því að vinna að áætlun í viðskiptasiðferði fyrir fyrirtækið.
• nýta verkfæri verkefnastjórnunar við skipulag og úrlausn verkefna.
• vöruþróun og þróun þjónustu.
• stjórna framleiðslu- og framkvæmdum.
• gera greiningu og skipulag öryggis- og umhverfismála, gera skipulag vinnustaða og stjórnunar- og framleiðsluferla með tilliti til reksturs.
• beita skapandi hugsun við úrlausnir verkefna til að mæta breyttum aðstæðum í síbreytilegu rekstrarumhverfi.
• gera jafnréttisáætlun fyrir fyrirtækið.

Kjarni

Kjarni - skipting á annir

Sérgreinar iðngreina

Meistaranám við FNV er í boði fyrir allar starfsgreinar en neðantaldar greinar hafa sérgreinar sem hér segir:

Byggingagreinar:

Til viðbótar þarf 3 áfanga. Þeir eru:

• MMÆL4MS03 Mælingar
• MLÖR4MS02 Lögfræði
• MEFB4MS03 Burðarþol og efnisfræði

Málmiðngreinar:

Til viðbótar þarf 8 einingar í fagtengdum greinum t.d. vélstjórnargreinum umfram vélvirkjanámið.

Rafiðngreinar:

Til viðbótar þarf 30 einingar í faggreinum hjá Rafmennt.