Sjúkraliðabraut (206 fein.)

Skipting sérgreina á annir

Sjúkraliðanám

Sjúkraliðanám er 206 feininga nám á 3. hæfniþrepi og tekur að jafnaði þrjú ár (sex annir). Námið skiptist í almennar greinar, heilbrigðisgreinar, bóklegt og verklegt sérgreinanám og starfsnám á heilbrigðisstofnunum.

Tilgangur námsins er að undirbúa nemendur fyrir störf við hjúkrun, endurhæfingu og forvarnir á heilbrigðisstofnunum og í heimahjúkrun. Lögð er áhersla á samskiptafærni, siðferðisvitund og samvinnu við starfsfólk og stjórnendur í heilbrigðisþjónustu. Námið getur jafnframt verið grunnur að framhaldsnámi í heilbrigðisvísindum.

Að brautskráningu lokinni geta nemendur sótt um starfsleyfi hjá Embætti landlæknis til að starfa sem sjúkraliðar. Starfsheitið sjúkraliði er lögverndað.

Forkröfur

• Grunnskólapróf samkvæmt aðalnámskrá.

• Til að hefja nám á 2. þrepi í dönsku, ensku, íslensku eða stærðfræði þarf hæfnieinkunn minnst B eða lokið 1. þrepi í viðkomandi grein.

Skipulag náms

Námið fylgir hæfnikröfum sjúkraliða og reglum mennta- og barnamálaráðuneytis um þrepaskiptingu áfanga.

1. önn: Grunnáfangar í kjarnagreinum og almennum greinum.

2.– 3. önn: Framhaldsáfangar kjarnagreina og grunnur í heilbrigðisgreinum.

4.–6. önn: Sérhæfing, sérgreinar sjúkraliðabrautar og starfsnám.

Skólum er heimilt að samþætta bóklegt nám og vinnustaðanám eftir fyrstu áfanga í bóklegri og verklegri hjúkrun.

Námsmat

Námsmat er fjölbreytt og metur hæfni nemenda í hverjum áfanga. Nemendur fá kynningu á markmiðum, kennsluáætlun og matsaðferðum í upphafi skólaárs. Námsmat á að veita leiðsögn og stuðning til námsárangurs. Hver skóli setur reglur um námsmat í skólanámskrá.

Starfsnám

Starfsnám samanstendur af vinnustaðanámi (24 einingar) og starfsþjálfun (27 einingar), hvort tveggja á heilbrigðisstofnunum.

Vinnustaðanám

• Framkvæmt undir leiðsögn sjúkraliða eða deildarstjóra.

• Nemendur setja sér fagleg markmið, halda ferilbók og fá reglulegt mat á framvindu.

• Skipulagt samkvæmt hæfniviðmiðum brautar og kröfum starfsins.

Starfsþjálfun

• Stendur yfir í 16 vikur.

• Nemandi lærir störf sjúkraliða, kynnist vaktakerfi og eflir verklega hæfni.

• Markmið sett í samvinnu við deildarstjóra og metin að hverju þjálfunartímabili loknu.

Ferilbók nemanda

Ferilbókin er formleg skráning á verklegri þjálfun nemanda og er hluti af námsmati. Hún inniheldur m.a.:

• skilgreind markmið nemanda í starfsnámi

• lýsingu á verkefnum og verklegum viðfangsefnum

• mat leiðbeinenda á frammistöðu og hæfni

• framvindu yfir allt starfsnám

Ferilbókin er uppfærð bæði af nemanda og leiðbeinanda og tryggir að námið sé í samræmi við hæfniviðmið brautar og kröfur sjúkraliðastarfsins.

Umsókn um ferilbók

Nemandi þarf að fylla út umsóknareyðublað svo skólinn geti stofnað rafræna ferilbók og nemasamning.

Reglur um námsframvindu

Nemendur þurfa að ljúka undanförum áður en þeir halda áfram í framhaldsáfanga. Gert er ráð fyrir sex önnum í heild.

Hæfniviðmið

• hagnýta sérhæfða þekkingu og leikni í hjúkrunarfræði og heilbrigðisgreinum til að takast á við viðfangsefni sjúkraliðastarfsins
• forgangsraða viðfangsefnum og greina hvaða hjúkrunarmeðferðir eigi við hverju sinni samkvæmt viðurkenndum flokkunarkerfum og skráningu í hjúkrunarfræði
• beita, rökstyðja og ígrunda þær hjúkrunarmeðferðir sem hann framfylgir samkvæmt hjúkrunaráætlun hverju sinni
• beita innsæi, gagnrýnni og skapandi hugsun við lausn hjúkrunarviðfangsefna
• sýna faglega umhyggju gagnvart skjólstæðingum
• miðla þekkingu og upplýsingum til skjólstæðinga, aðstandenda og samstarfsfólks
• nýta samskiptafærni við margvíslegar aðstæður og tjá eigin hugmyndir og skoðanir
• nýta tölvukunnáttu við upplýsingaleit, varðveislu og skráningu upplýsinga ásamt mati á faglegum upplýsingum
• taka þátt í þverfaglegu samstarfi og koma á framfæri sérhæfðri þekkingu sem við á hverju sinni
• vinna eftir gæðaviðmiðum og reglum um vinnuvernd
• starfa eftir siðareglum og sýna siðferðisvitund, fordómaleysi, umbyrðarlyndi og víðsýni í störfum sínum
• vinna að eigin starfsþróun og tileinka sér nýjungar í starfi.

Kjarni