STAÞ1VÞ05 - Starfsþjálfun 2

verkleg þjálfun, vinnustaðakynning

Einingafjöldi: 5
Þrep: 1
Forkröfur: Starfsþjálfun 1 (STAÞ1UN05)
Áfanginn er framhaldsáfangi af áfanganum starfsþjálfun 1. Áfanginn gerir nemanda mögulegt að kynnast fleiri vinnustöðum en í STAÞ 1. Í áfanganum fer fram kynning og verkleg þjálfun á ýmsum störfum í nærumhverfinu. Nemandinn fær tækifæri til að að vinna á vinnustað/stöðum og starfa á honum undir leiðsögn.

Þekkingarviðmið

Nemandi skal hafa öðlast þekkingu og skilning á:
  • mismunandi vinnustöðum
  • ábyrgð og skyldum þess að vera starfsmaður á vinnustað
  • eigin áhugasviðum og styrkleikum sem starfsmaður
  • mikilvægi þess að sýna sjálfstæði og frumkvæði í starfi
  • almennum reglum vinnumarkaðsins og vinnuumhverfis
  • öryggi og aðbúnaði fyrir starfsmenn á vinnustöðum

Leikniviðmið

Nemandi skal hafa öðlast leikni í að:
  • beita aðferðum sem leiða til betri vinnubragða í starfi
  • þekkja eigin styrkleika til mismunandi starfa
  • nýta reynslu og yfirsýn námsins í starfsvali síðar
  • vinna sjálfstætt og í hópi
  • leita að vinnu á almennum markaði
  • yfirfæra lærða færni á raunverulegar aðstæður

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:
  • skilja hvernig hægt er að öðlast sjálfstæði í vinnubrögðum
  • skilja hvað þarf til að geta valið sér starf við hæfi
  • skilja eigin styrkleika og áhugasvið þegar kemur að starfsvali
  • skilja skyldur og ábyrgð þess að vera starfsmaður og á vinnumarkaði
  • geta verið hluti af heild á vinnustað
  • stunda áframhaldandi nám
Nánari upplýsingar á námskrá.is