TÆKN3TV05 - Tölvustýrðar vélar

Notkun tölvustýrðra véla

Einingafjöldi: 5
Þrep: 3
Forkröfur: TÖLI2IV05
Í áfanganum læra nemendur grunnatriði í virkni og notkun tölvustýrða véla með áherslu á sambandið milli tölvuteikninga, færsluskipana og loks framleiðslu. Fjallað er um helstu hugtök sem tengjast notkun tölva í framleiðsluumhverfi, stafræna stýringu og forritun CNC véla. Nemendur öðlast einnig þekkingu í öryggismálum varðandi umgengni við tölvustýrðar vélar.

Þekkingarviðmið

Nemandi skal hafa öðlast þekkingu og skilning á:
  • tölvustýrðum vélum með 3 til 4 ásum
  • grunnþáttum í virkni cnc véla
  • x, y og z ásum
  • viðmóti mismunandi forrita
  • notkun undirforrita sem þátta í aðalforriti
  • öryggisreglum við umgengni tölvustýrðar vélar
  • á núllpunkti og uppstillingu smíðahluta í vél með tilliti til hans
  • öllum þáttum fræsiferils og samhengi þeirra
  • samhengi verkfæra- og efnisvals

Leikniviðmið

Nemandi skal hafa öðlast leikni í að:
  • að vista og geyma gögn í tölvuumhverfinu
  • velja viðeigandi verkfæri og tækjabúnaðar með tilliti til mismunandi verkefna
  • prenta út verkefni á cnc stýrðri vél
  • leiðrétta, bæta við og laga línur í forriti
  • setja upp verkfæri á tölvustýrðar vélar
  • umgangast og starfa við tölvustýrða vél á öruggan hátt
  • skipuleggja og framkvæma eigin hugmyndir

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:
  • geta notað cnc tækni við úrlausn verkefna
  • kanna hvort tilskyldum reglum sé fylgt eftir varðandi öryggismál
  • greina orsakir galla sem fram koma í framkvæmd og mæla fyrir um aðgerðir til úrbóta
Nánari upplýsingar á námskrá.is