GRUN2FY05 - Grunnteikning

Flatarteikning, fallmyndun, yfirborðsútflatning og fríhendisteikning

Einingafjöldi: 5
Þrep: 2
Í áfanganum er lögð áhersla á að nemendur öðlist áframhaldandi almenna þekkingu og þjálfun í teiknifræðum. Áfanginn skiptist í þrjá megin þætti: Flatarteikningu, fallmyndun og yfirborðsútflatninga og fríhendisteikningu. Í áfanganum er gert ráð fyrir að nemendur öðlist frekari færni í meðferð og notkun mæli- og teikniáhalda, myndrænni vinnu með viðfangsefni starfsgreina, þjálfist í lestri og gerð vinnu-teikninga, fríhendisrissteikninga, gerð flatarmynda og útflatninga. Áfanginn er undirbúningur fyrir fagbundið nám í teiknifræðum.

Þekkingarviðmið

Nemandi skal hafa öðlast þekkingu og skilning á:
  • notkun teikni- og mæliáhalda
  • upplýsingamiðlun með tæknilegum teikningum
  • gerð einfaldra tvívíðra fríhendisteikninga
  • gildi frumforma fyrir teikningu og mótun viðfangsefna faggreina, svo sem á sviði hönnunar og iðngreina
  • lestri teikninga
  • teikningu yfirborðsútflatningsmynda af reglulegum rúmfræðilegum frumformum og sneiðskorningum

Leikniviðmið

Nemandi skal hafa öðlast leikni í að:
  • lesa og teikna fallmyndir af reglulegum rúmfræðilegum frumformum og sneiðskorningum með sérstöku tilliti til greiningar og myndunar raunstærða á línum og flötum
  • skipuleggja, árita og ganga frá tæknilegum teikningum og miðla upplýsingum á skilvirkan hátt
  • setja út og teikna flatarfræðileg form og tvívíðar vinnufyrirmyndir
  • efla formskyn sitt
  • hugsa af nákvæmni um og vinna myndrænt með viðfangsefni starfsgreina, svo sem á sviði hönnunar og iðngreina
  • mæla upp einfaldan hlut og yfirfært í annan mælikvarða á hornréttri fallmynd

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:
  • fá almennan undirbúning fyrir fagbundið teikninám og annað fagnám, svo sem á sviði hönnunar og iðngreina
  • hafa gott vald á skipulagningu vinnublaðs, áritun með teikniskrift og frágangi flatarteikninga þannig að vinna megi eftir þeim
  • geta teiknað fríhendis tvívíðar útlínumyndir eftir einföldum fyrirmyndum sem horft er á úr fjarlægð á vinnublöð, án annarra mæli- og hjálpartækja en sjón- og blýantsmælingar
  • nýta kunnáttu í starfi
  • fara í áframhaldandi nám í teiknifræðum
Nánari upplýsingar á námskrá.is