ÍÞRÓ1SS02 - Snerpa og samhæfing

Áfanginn er bæði fræðilegur og verklegur þar sem aðaláhersla er á og mest er unnið með eftirfarandi atriði. Fjallað er um kerfisbundna grunnþjálfun, snerpu og hraðaþjálfun og hvernig megi bæta þessa þætti. Einnig er fjallað um tækni og samhæfingu í íþróttum. Að auki er fjallað um skipulagningu þjálfunar sem miðar að því að nemendur fái alhliða hreyfireynslu sem reyni á alla helstu vöðvahópa líkamans þar sem fjölbreytni og ánægja er höfð að leiðarljósi. Ofangreind atriði verður að mestu unnið með verklega og þau kynnt fyrir nemendum með verklegum æfingum, en jafnframt verður fræðileg innlögn og nemendur fá fræðileg verkefni tengd umræddum atriðum sem þeir þurfa að standa skil á. Í verklegu tímunum verður fjölbreytnin höfð að leiðarljósi – nemendur glíma við fjölbreytt verkefni sem á einn eða annan hátt tengjast þeim þáttum sem að ofan getur. Í einhverjum verklegum tímum býðst nemendum að velja sér viðfangsefni eftir áhugasviðum.