ÍSLE3BS05 - Bókmenntir síðari alda, skrif og skapandi hugsun

bókmenntir síðari alda

Einingafjöldi: 5
Þrep: 3
Forkröfur: ÍSLE3BF05
Í áfanganum er fjallað um bókmenntir og bókmenntasögu 19. - 21. aldar. Bókmenntastefnur tímabilsins verða skoðaðar vandlega og lesnir fjölbreyttir textar í tengslum við þær. Nemendur þjálfast í bókmenntafræðilegri túlkun og greiningu og fá tækifæri til að tjá sig um efnið á fjölbreyttan og skapandi hátt. Haldið verður áfram að þjálfa nemendur í ritgerðarsmíð.

Þekkingarviðmið

Nemandi skal hafa öðlast þekkingu og skilning á:
  • ritgerðarsmíð og heimildavinnu
  • orðaforða sem nægir til að lesa helstu verk íslenskrar bókmenntasögu
  • öllum helstu bókmenntahugtökum, mismunandi tegundum bókmennta og tímabilum í íslenskum bókmenntum síðari alda

Leikniviðmið

Nemandi skal hafa öðlast leikni í að:
  • skrifa ritgerðir þar sem hann beitir gagnrýninni hugsun við úrvinnslu og kemur efninu á framfæri á skýran og greinargóðan hátt á blæbrigðaríku máli
  • ganga frá texta og að nýta sér uppbyggilega gagnrýni
  • skilja lykilhugtök og greina mismunandi sjónarmið
  • nýta sköpunargáfu og sýna sjálfstæði við úrvinnslu verkefna
  • flytja af öryggi vel uppbyggða kynningu á krefjandi efni
  • lesa sér til gagns og gamans ýmsar gerðir ritaðs máls

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:
  • skrifa skýran og vel uppbyggðan texta og geta valið ritstíl eftir aðstæðum
  • beita málinu á viðeigandi hátt við mismunandi aðstæður
  • tjá rökstudda afstöðu við ýmsar kringumstæður og taka virkan þátt í málefnalegri umræðu
  • draga saman aðalatriði, beita gagnrýninni hugsun við lestur, túlkun og úrvinnslu krefjandi texta og geta miðlað því á skýran hátt til samnemenda sinna
  • átta sig á samfélagslegum skírskotunum og ná duldum boðskap og hugmyndum
  • sýna frumkvæði og sjálfstæði í vinnubrögðum
  • sýna þroskaða siðferðisvitund, víðsýni, sköpunarhæfni og samlíðan í málflutningi sínum og umfjöllun
Nánari upplýsingar á námskrá.is