ÍÞRÓ1HR01(HR) - Hreyfing og heilsurækt

Meginviðfangsefni áfangans er fjölbreytt líkamsrækt þar sem áhersla er lögð á grunnþættina þrjá; þol, styrk og liðleika. Áfanginn inniheldur mismunandi greinar íþrótta / líkamsræktar, en burt séð frá greinum verður ávallt unnið með áður nefnda þrjá grunnþætti og þeir tengdir viðkomandi greinum á ýmsa lund, einnig verða neðangreind efnisatriði tengd umræddum greinum á einn eða annan hátt. Nemendur munu geta valið sér grein- ar eftir áhugasviðum, en valmöguleikar verða mismunandi á milli anna – dæmi um greinar sem verða í boði eru: Hjólreiðar, jóga, ketilbjöllur, knattleikir, sund, útivist, þrekþjálfun (stöðvahringir + stígvélabúðir) og þríþraut. Efnisatriði áfangans: Líkamsrækt, heilsurækt, upphitun, almenn upphitun, hjartsláttur, púls, teygjuæfingar, þol, þolþjálfun, grunnþol, loftfirrt þolþjálfun, loftháð þolþjálfun, mjólkursýra, þjálfunarástand, þjálfunarpúls, hvíldarpúls, hámarkspúls, þjálfunaraðferðir, hraðaleikur. Kraftur, kraftþol, hámarkskraftur, kraftþjálfun, stöðvaþjálfun, hringþjálfun, beygjur, réttur, vöðvar, kviðvöðvar, liðleiki, hreyfanleiki, liðir, liðamót, bönd, spennu- og teygjuaðferð, slökun, öndun, slökunartækni, slökunarstaða, líkamsstaða. Í upphafi og lok annar verða gerðar mælingar á líkamsfari nemenda – mælingar á þoli, styrk og liðleika. Nemendur setja upp einstaklingsmiðaða æfingaáætlun í upphafi náms í áfanganum í samráði við kennara. Nemendur vinna samkvæmt áætluninni tvisvar til þrisvar sinnum í viku auk þess að mæta í skólatímana. Markmiði með námi í afanganum er að hver nemandi finni þá líkamsrækt sem honum hugnast og að með námi í áfanganum leggi hann grunn að sinni framtíðar líkamsrækt.