ÍÞRG3KÖ03 - Körfuknattleikur

körfuknattleikur

Einingafjöldi: 3
Þrep: 3
Áfanginn er bóklegur, fræðilegur og verklegur. Farið er í helstu grundvallaratriði kennslufræðinnar með það að markmiði að nemandinn læri að nýta þau til að kenna börnum og unglingum undirstöðuatriðin í körfuknattleik. Áhersla er á tæknikennslu og kennslu í leikfræði og að nemendur læri helstu leikreglur körfuboltans. Stefnt er að því að nemendur öðlist ákveðna grunnfærni í greininni og lögð er áhersla á að leikurinn sé kenndur á leikrænan og skemmtilegan hátt.

Þekkingarviðmið

Nemandi skal hafa öðlast þekkingu og skilning á:
  • leikreglum körfuknattleiksins
  • því hvernig á að leiðbeina yngstu iðkendunum í körfuknattleik.
  • kennslu tækniæfinga í körfuknattleik.
  • skipulagningu körfuknattleiksþjálfunar fyrir yngstu aldurshópana
  • fjölbreyttum leik- og tækniæfingum fyrir körfuboltaþjálfun

Leikniviðmið

Nemandi skal hafa öðlast leikni í að:
  • leiðbeina byrjendum í körfuknattleik.
  • nota körfuknattleik sem skólaíþrótt.
  • spila körfuknattleik og framkvæma helstu tækniatriði leiksins

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:
  • skipuleggja kennslu og þjálfun fyrir yngstu iðkendurna
  • stjórna hóp barna þar sem virknin og leikgleðin er höfð að leiðarljósi
  • átta sig á ólíkri getu einstaklinganna og finna þeim verkefni við hæfi
Nánari upplýsingar á námskrá.is