ÍÞRG2FÍ03 - Frjálsar íþróttir

Frjálsar íþróttir

Einingafjöldi: 3
Þrep: 2
Áfanginn er bóklegur, fræðilegur og verklegur. Farið er í helstu grundvallaratriði kennslufræðinnar með það að markmiði að nemandinn læri að nýta þau til að kenna byrjendum undirstöðuatriðin í frjálsum íþróttum. Áhersla er á tæknikennslu og að nemendur tileinki sér grunntækni sem flestra greina frjálsra íþrótta og geti jafnframt miðlað þeim til barna og byrjenda í greininni. Stefnt er að því að nemendur öðlist ákveðna grunnfærni í sem flestum greinum frjálsra íþrótta og lögð er áhersla á að hafa áfangann bæði leikrænan og skemmtilegan.

Þekkingarviðmið

Nemandi skal hafa öðlast þekkingu og skilning á:
  • að leiðbeina börnum á mismundandi aldri í frjálsum íþrótum
  • grunntækni frjálsra íþrótta
  • skipulagi þjálfunar fyrir börn og unglinga
  • leikreglum sem gilda í greinum frjálsra íþrótta
  • helstu þjálfunaraðferðum
  • mikilvægi fjölbreyttra tækni- og leikæfinga við þjálfun frjálsra íþrótta

Leikniviðmið

Nemandi skal hafa öðlast leikni í að:
  • búa til tímaseðla fyrir mismunandi aldur og getu
  • beita mismunandi þjálfunaraðferðum með ákveðin markmið að leiðarljósi svo sem þol, kraft og tækni
  • stunda frjálsar íþróttir sér til heilsubótar og ánægju
  • framkvæma grunntækni sem flestra greina frjálsra íþrótta

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:
  • geta þjálfað yngri iðkendur og byrjendur í frjálsum íþróttum
  • geta útbúið tímaseðla sem hæfa getu yngri iðkenda og byrjenda í greininni
  • geta kennt börnum rétta grunntækni í sem flestum greinum frjálsra íþrótta
  • geta beitt fjölbreyttum aðferðum við þjálfun frjálsra íþrótta
Nánari upplýsingar á námskrá.is