TÖLE2IG05 - Tölvuleikir og sýndarveruleiki

Inngangur

Einingafjöldi: 5
Þrep: 2
Forkröfur: Engar
Í áfanganum verður fjallað um tölvuleiki í víðu samhengi og skoðað hvernig tölvuleikir tengjast hinum ýmsum greinum. Markmiðið er að gefa nemendum dýpri innsýn í tölvuleiki, þróun þeirra og hlutverk í nútímasamfélagi sem áhugamál, iðnaður og listgrein. Byrjað verður á að fara yfir sögu tölvuleikja og gefa nemendum yfirsýn yfir efnið. Í framhaldinu verða fræðin á bakvið leikina skoðuð og uppbygging þeirra. Nemendur kynnast helstu störfum við gerð tölvuleika. Farið verður í tilgang tölvuleikja, mismunandi virkni spilenda og samanburð við aðra leiki eða afþreyingu. Nemendur kynnast því hvernig kenna má í gegnum tölvuleiki. Í lok áfangans fá nemendur tækifæri til að nýta þekkingu sína til að þróa sína eigin leikjahugmynd og kynna hana fyrir öðrum.

Þekkingarviðmið

Nemandi skal hafa öðlast þekkingu og skilning á:
  • þróun og sögu tölvuleikja
  • möguleikum og takmörkunum tölvuleika
  • uppbyggingu tölvuleikja og áhrif þeirra í samfélagslegu samhengi
  • tilgangi tölvuleikja
  • virkni þeirra sem spila tölvuleiki
  • störfum við gerð tölvuleikja
  • samanburði við aðra afþreyingu
  • námi í gegnum tölvuleiki (e.: computer based learning)

Leikniviðmið

Nemandi skal hafa öðlast leikni í að:
  • tengja tölvuleiki við ólík fræðisvið
  • virkja hugmyndaflugið á gagnlegan hátt
  • að þróa og kynna hugmyndir í samstarfi við aðra
  • líta á tölvuleiki frá mismunandi sjónarhornum og í víðu samhengi

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:
  • geta tekið þátt í verkefnavinnu og umræðu um tilgang tölvuleikja
  • kynna eigin vinnu
  • geta tekið þátt í verkefnavinnu og umræðu um gerð tölvuleikja
  • geta tekið þátt í verkefnavinnu og umræðu um uppbyggingu tölvuleikja
  • geta tekið þátt í verkefnavinnu og umræðu um tölvuleiki sem aðferð til náms eða kennslu
Nánari upplýsingar á námskrá.is