VINS2VM05 - Vinnustaðanám mjólkursamlag

Vinnustaðanám mjólkursamlag

Einingafjöldi: 5
Þrep: 2
Forkröfur: Engar
Í áfanganum er lögð áhersla á að nemendur kynnist starfsemi mjólkursamlags í sem víðustu mynd. Nemendum gefst tækifæri á að læra og fá þjálfun sem þarf til að uppfylla þá þætti sem getið er um hér að neðan; þekkingar-, leikni- og hæfniviðmið. Verkstjóri/umsjónarmaður í fyrirtækinu ber ábyrgð á að nemandinn fái þau námstækifæri og þá þjálfun sem um ræðir hverju sinni.

Þekkingarviðmið

Nemandi skal hafa öðlast þekkingu og skilning á:
  • aðferðum og vinnulýsingum sem lúta að sérhæfðum verkferlum
  • innra eftirliti vinnustaðar
  • fyrirkomulagi við innkaup og birgðastjórnun
  • vinnu við frágang, þrif og hreinlætisáætlunum á vinnustað
  • mikilvægi skráningar og gæðastaðla í tengslum við viðhald á tækjum
  • skipulagningu og undirbúningi fyrir framleiðslu og einfaldri framleiðslutækni sem og notkun viðeigandi framleiðslutækja
  • öryggiskröfum við notkun og umhirðu véla og tækja
  • uppbyggingu varmaskiptis, uppbyggingu skilju, dælum, ventlum, fitusprengjara og flæði í vélarsal mjólkurbús
  • ræktun baktería og rannsókn á þeim í smásjá
  • meðferð mjólkur frá bónda til mjólkurvinnslu
  • mikilvægi persónulegs hreinlætis fyrir framleiðsluna auk framleiðsluhreinlætis
  • að mjólkurvinnsla felur í sér skiljun, hitameðferð, fitusprengingu og ofursíun (uf) og hvaða áhrif þetta hefur á fitu, prótein, laktósa og sölt

Leikniviðmið

Nemandi skal hafa öðlast leikni í að:
  • skipuleggja sérhæfða verkferla í samræmi við fyrirliggjandi verkefni
  • vinna samkvæmt tæknilegum aðferðum greinarinnar, þ.m.t. vinnslu – og framleiðslukerfi
  • nota aðferðir við að þrífa, sótthreinsa og viðhalda góðu persónulegu hreinlæti og framleiðsluhreinlæti
  • beita viðurkenndum aðferðum við notkun og meðferð vinnuvéla
  • beita viðurkenndum aðferðum hvað varðar öryggiskröfur, innra eftirlit og haccp á vinnustað
  • vinna með örverur bæði í hreinlætis og iðnaðarsamhengi
  • meðhöndla mjólk með ýmsum aðferðum
  • passa upp á mikilvægi persónulegs hreinlætis
  • beita hitameðferð og síun á mjólk

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:
  • útskýra vinnuferla sem byggja á aðferðafræði
  • skipuleggja verkferla og verkefnalista
  • meta störf sín og annarra á hlutlægan hátt
  • sýna fram á ábyrgð í umgengni á vinnustað
  • vinna samkvæmt góðum starfsháttum í mjólkursamlögum með hliðsjón af lögum og reglugerðum
  • vinna samkvæmt haccp
  • setja fram almenn notuð gögn eins og vinnuseðla og innra eftirlit
  • tileinka sér hæfni til að taka þátt í og skrá vinnuferla sem eru dæmigerðir fyrir námið
  • kunna á viðeigandi eftirlits og framleiðslubúnað sem oft er tölvustýrður
  • vinna með örverur bæði í hreinlætis og iðnaðarsamhengi
  • hafa skilning á áhrifum framleiðsluaðferða á innihald mjólkurinnar
  • skilja þróun samfélagsins og mjólkuriðnaðarins
  • nota hugtök úr greininni
Nánari upplýsingar á námskrá.is