STAR1AÞ05 - Starfsnám með áherslu á atvinnuþátttöku

Atvinnuþátttaka

Einingafjöldi: 5
Þrep: 1
Forkröfur: Engar
Ný menntastefna er höfð til grundvallar og grunnþættir menntunar eru hafðir að leiðarljósi. Áhersla verður á að kynna sér ýmis störf og mismunandi vinnustaði. Námið felur í sér að nemendur þjálfist í að beita mismunandi aðferðum og verklagi. Starfsnám getur farið fram í skólanum og úti á vinnustöðum. Með því að tengja námið við vinnustaði öðlast nemendur oft aðra sýn á námið í skólanum og tilgangur námsins verður oft skýrari.

Þekkingarviðmið

Nemandi skal hafa öðlast þekkingu og skilning á:
  • fjölbreyttum vinnustöðum
  • að þjálfun og undirbúningur er mikilvægur áður en farið er út á vettvang
  • mikilvægi þess að fara út á vinnumarkaðinn að skóla loknum
  • Þeim hættum sem geta verið í starfsumhverfinu

Leikniviðmið

Nemandi skal hafa öðlast leikni í að:
  • beita fjölbreyttu verklagi
  • vinna eftir skipulagi
  • mæta til vinnu á réttum tíma
  • fylgja hreinlætisreglum á vinnustað
  • fylgja samskiptareglum á vinnustað

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:
  • taka þátt í atvinnulífinu
  • vinna verkefni sjálfstætt eða eftir leiðsögn
  • hafa trú á eigin færni og sjálfstraust til þess að takast á við ný verkefni
  • biðja um aðstoð ef þess þarf
  • tilheyra starfsmannahópi
Nánari upplýsingar á námskrá.is