RAMV1HL05 - Rafmagnsfræði 1

hugtök, lögmál rafmagnsfræðinnar, mælingar jafnstraums

Einingafjöldi: 5
Þrep: 1
Forkröfur: engar
Farið er í helstu hugtök og lögmál rafmagnsfræði jafnstraums. Lögð er áhersla á að nemandinn læri að nýta sér þessi lögmál við reikninga og gera prófanir á þeim með mælingum í jafnstraumsrásum. Farið er yfir mismunandi gerðir spennugjafa auk þess sem nemandinn á að þekkja helstu teiknitákn í einföldum jafnstraumsrásum.

Þekkingarviðmið

Nemandi skal hafa öðlast þekkingu og skilning á:
  • helstu hugtökum s.s. straumur, spenna, viðnám
  • teiknitáknum fyrir mæla, spennugjafa og ýmsar gerðir viðnáma
  • helstu lögmálum s.s. ohms-, kirkhhoffs- og afllögmáli
  • helstu forskeytum eininga s.s. milli, míkró, nanó o.s.frv.

Leikniviðmið

Nemandi skal hafa öðlast leikni í að:
  • framkvæma reikninga í einföldum jafnstraumsrásum
  • teikna einfaldar jafnstraumsrásir
  • nota fjölsviðsmæli
  • tengja og reikna einfaldar jafnstraumsrásir

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:
  • tengja upp einfaldar jafnstraumsrásir eftir teikningu og framkvæma á þeim mælingar
  • sannprófa niðurstöður með notkun lögmála og/eða mælinga
Nánari upplýsingar á námskrá.is