RAFS1SE03(AV) - Suðuaðferðir

efni, suðuaðferð, suðuvírar

Einingafjöldi: 3
Þrep: 1
Forkröfur: engar
Í áfanganum lærir nemandinn um helstu suðuaðferðir, efni og suðuvíra. Hann öðlast færni til að meta aðstæður til rafsuðu og lærir hvernig gæta ber fyllsta öryggis við rafsuðu. Nemandinn fær þjálfun í að sjóða plötur í öllum suðustöðum með pinnasuðu, samkvæmt staðlinum ÍST EN 287-1. Nemandinn lærir að skrá grunnatriði suðuferlislýsingar. Færni nemandans miðast við kverksuðu og grunnatriði suðuferlis og skal hann ná suðugæðum í flokki C samkvæmt ÍST EN 25 817.

Þekkingarviðmið

Nemandi skal hafa öðlast þekkingu og skilning á:
  • suðu með rið- og jafnstraum
  • suðu með plús- og mínuspól
  • helstu suðuaðferðum, afköstum þeirra, hagkvæmni og takmörkunum við mismunandi efnisþykkt
  • eiginleikum mismunandi aðferða, s.s. styrk þeirra og hættu á suðugöllum
  • suðuaðferðum sem henta hverju verki fyrir sig
  • gildi ljósbogaspennu og tómgangsspennu
  • staðli um mat á suðum og suðugalla
  • staðli um suðustöður og hæfnisvottun suðumanna
  • staðli um merkingu rafsuðuvíra
  • staðli um merkingu stáls, t.d. Íst en 22 553

Leikniviðmið

Nemandi skal hafa öðlast leikni í að:
  • meðhöndla búnað til suðu
  • sjóða saman hluti í ýmsum suðustöðum
  • stilla suðutæki, þ.e. straum, spennu og viðnám
  • velja réttan suðuvír eftir verkefnum
  • sjóða mismunandi legglengd og a-mál með einum eða fleiri strengjum
  • stilla suðuvél, velja suðuvíra og sjóða samkvæmt suðuferli
  • rafsjóða lárétt á plötu beina strengi og með hliðarhreyfingum
  • rafsjóða kverksuður í pb- og pf- suðustöðum

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:
  • velja hagkvæmar og öruggar suðuaðferðir við mismunandi verk
  • útskýra staðlaðar merkingar pinnasuðuvíra
  • teikna upp rafsuðutækið og merkja inn stillingar og leiðara
  • meta algengustu suðugalla og ástæður þess að þeir myndast
  • meta suðugæði samkvæmt stöðluðum kröfum um útlit
  • flokka suðu í gæðaflokka
Nánari upplýsingar á námskrá.is