FNV komið áfram í Gettu betur

Keppendur FNV þau Ásta Aliya, Óskar Aron og Kristey Rut í hljóðveri RÚV á Akureyri.

Fjölbrautaskóli Norðurlands vestra mætti Tækniskólanum í Reykjavík í fyrstu viðureign Gettu betur þriðjudagskvöldið 11. janúar. Fyrirfram þótti Tækniskólinn sigurstranglegri enda náð langt í keppninni undanfarin ár. Hins vegar reyndist keppni skólanna mikil rimma þar sem Tækniskólinn leiddi með 13 stigum gegn 8 stigum FNV eftir hraðaspurningar. Báðir skólar svöruðu fimm bjölluspurningum rétt og endaði því viðureignin 23-18 fyrir Tækniskólann.

Þrátt fyrir tapið er liðið komið áfram í aðra umferð sem stigahæsta tapliðið. Mótherjinn í annarri umferð verður Fjölbrautaskóli Vesturlands á Akranesi og fer viðureignin fram mánudaginn 17. janúar.

Áfram FNV!