Sumarlokun skrifstofu FNV

Skrifstofa FNV verður lokuð frá 25. júní til og með 7. ágúst næstkomandi vegna sumarleyfa.

Innritun fyrir haustönn er lokið og búið er að loka fyrir umsóknir í stað- og fjarnám. Reikningar vegna skólagjalda hafa verið sendir út til allra nemenda eða foreldra/forsjáraðila þeirra.

Við óskum nemendum, starfsfólki og velunnurum skólans gleðilegs sumars og hlökkum til að taka á móti nemendum á ný á haustönn.

Dagskrá fyrstu daga haustannar 2026

16. ágúst – Heimavist opnar fyrir nýnema

Heimavistin opnar fyrir nýnema (fædda 2010 eða síðar) sunnudaginn 16. ágúst kl. 17:00. Fyrir eldri nemendur opnar heimavistin mánudaginn 17. ágúst kl. 17:00.

16. ágúst – Fundur með foreldrum nýnema

Fundur fyrir foreldra nýnema verður haldinn í Bóknámshúsi FNV sunnudaginn 16. ágúst. Foreldrar fá fundarboð í tölvupósti þegar nær dregur.

17.–18. ágúst – Nýnemadagar

Nýnemadagar eru ætlaðir nýnemum sem koma beint úr grunnskóla. Þeir hefjast mánudaginn 17. ágúst kl. 9:00 í Bóknámshúsi FNV. Nánari dagskrá verður auglýst síðar.

18. ágúst – Skólasetning

Skólasetning verður á sal Bóknámshúss FNV þriðjudaginn 18. ágúst kl. 8:00. Kennsla hefst samkvæmt stundaskrá kl. 8:45.