Fréttir

Fjölbrautaskóla Norðurlands vestra var slitið í 45. sinn við hátíðlega athöfn í íþróttahúsinu á Sauðárkróki föstudaginn 24. maí 2024 að viðstöddu fjölmenni.

Brautskráning og skólaslit Fjölbrautaskóla Norðurlands vestra verða föstudaginn 24. maí kl. 13:00 í íþróttahúsinu á Sauðárkróki.

Á haustönn 2024 býður FNV upp á fjögurra helga, 10 eininga lotunám í gerð myndabanda sem nýtast í námi og kennslu. Þetta er þriðja árið sem þessi námsleið stendur til boða.

Fjölbrautaskóli Norðurlands vestra mun halda undirbúningsnámskeið fyrir sveinspróf í húsasmíði 27. maí til 30. maí 2024 í verknámshúsi FNV.

Emelíana Lillý Guðbrandsdóttir sigraði í Söngkeppni framhaldsskólanna 2024 sem fram fór í Iðu á Selfossi þann 6. apríl. Lillý söng lagið Aldrei úr kvikmyndinni The Greatest Showman. Ingi Sigþór Gunnarsson samdi íslenskan texta við lagið sem á frummálinu heitir Never Enough. Þetta er í fjórða skiptið sem fulltrúi FNV sigrar í keppninni.

Föstudaginn 5. apríl var undirritaður samningur um byggingu nýs verknámshúss við Fjölbrautaskóla Norðurlands vestra. Undirritunin fór fram í verknámshúsi Fjölbrautaskólans að viðstöddu margmenni þ.á.m. nemendum, starfsfólki skólans og fulltrúum úr atvinnulífinu. Samningurinn gerir ráð fyrir stækkun verknámshúss um allt að 1.400 fermetra. Fyrirhuguð stækkun verknámshússins er langþráð í ljósi mikillar fjölgunar iðn- og starfsnámsnemenda við skólann.

Söngkeppni framhaldsskólanna fer fram í Iðu á Selfossi laugardaginn 6. apríl og verður Emelíana Lillý Guðbrandsdóttir fulltrúi FNV í keppninni. Keppnin verður sýnd beint á RÚV og hefst útsendingin klukkan 19:45.

Opnir dagar verða í FNV frá miðvikudeginum 13. mars til föstudagsins 15. mars. Þá víkur hefðbundin kennsla í dagskóla fyrir ýmiskonar viðburðum og uppákomum.

Meðal valáfanga í boði á haustönn 2024 eru ENSK3HP05 (Enska, Harry Potter, J. K. Rowling and London Baby!), FABL2FA03 (Fablab), FÉLV3MR05 (Mannréttindi – saga og samfélag), ÍSLE3YN05 (Íslenska, yndislestur), LEIK2AA05 (Grunnáfangi í leiklist), LÖGF2LÖ05 (Inngangur að lögfræði), STÆR4LF05 (Línuleg algebra) og UPPT2SM05 (Stafræn miðlun og markhópar). Nemendur geta valið áfanga af öðrum brautum til að setja í frjálst val. Val í dagskóla og helgarnámi fyrir haustönn 2024 fer fram dagana 6. til 13. mars í INNU.

Kennsla í dagskóla fellur niður föstudaginn 1.mars vegna starfsþróunardags starfsfólks.